رغم كل شىء

استعرض الموضوع السابق استعرض الموضوع التالي اذهب الى الأسفل

رغم كل شىء

مُساهمة  امال رياض في الإثنين أغسطس 27, 2012 2:24 pm

رغم كل شىء راح يطلع النهار

رغم الحروب … رغم الدمار .. ودموع الأطفال الصغار

راح يطلع النهار

مهما أتأخر علينا .. عمره ما كان ناسينا

حيداوى جروح ليالينا … وحيطلع النهار

وشمس إمبارح حترجع … من أمتى بتخلف معاد

أو تقدر على البعاد … ده مهما طال السواد

أكيد حيطلع نهار وينور كل دار

وكفايه بكى يامة على ولدك

وأمسحى دمع الحزن اللى فى خدك

وأرفعى للكريم يدك … وأطلبى يطلع نهار

ده الفجر نوره مش بعيد … جايب معاه ألف وليد

يزرعوا الدنيا عمار …. ويجددوا دم الوريد

وحيعلا صوت السلام … ويا هديل الحمام

ده مهما طال بينا الظلام … وطالت قسوة الأيام

أبدآ مش حيطول الغيام … وحيطلع النهار

أصل السلام له ألف عمر

عايش فى الشفايف والعيون السمر

جوة قلوب الدفى والنقاء والطهر

وفى قلب كل بار … أكيد حيطلع نهار

رغم الحروب … رغم الدمار

ودموع الأطفال الصغار … راح يطلع النهار


_________________



امال رياض
مشرف

عدد المساهمات : 401
تاريخ التسجيل : 15/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى