ياللى بتقولوا مش محتاجين رسول

استعرض الموضوع السابق استعرض الموضوع التالي اذهب الى الأسفل

ياللى بتقولوا مش محتاجين رسول

مُساهمة  امال رياض في الأربعاء ديسمبر 15, 2010 7:59 am

ياللى بتقولوا مش محتاجين رسول ... بقى ده كلام معقول يا أصحاب العقول؟
لو كان القديم هو المختار .. مكنش حد احتار .. ولا طلع بعد الليل نهار
ولا أتجددت الفصول .. ياللى بتقولوا مش محتاجين رسول
طب ليه نسينا فضائل الدين .. وبعدنا عن الأحكام والقوانين
ظلمنا يا ناس بأسم الدين ... قتلنا وقولنا ده شرع الله المتين
فسدنا ودمرنا يا مؤمنين ... واتخطينا المبادىء والقيم والأصول
وكل ده ومش محتاجين رسول ... بقى ده كلام معقول
خلينا الدين أسم بلا روح ولا معنى
شغلنا نفسنا بالحرف ونسينا الجوهر والمعنى
دى العبرة فى الأساس مش فى الفروع اللى فى الهوا تعلا
أماهو الأصل لو مش متين يطلع الثمر ملوش معنى
ولا كلامى مش معقول ياللى بتقولوا مش محتاجين رسول
الدين عمره ما كان شعار أزين بيه المكان
ولا هو مجرد كتاب منقوش بالخط والألوان
الدين نهج وطريق وسبيل لنور القلب والوجدان
قوه بتعدينى بر الآمان .. بتهدينى وتلهمنى العلم والعرفان
أمتى ظلام النفس يزول .. ياللى بتقولوا مش محتاجين رسول
كتاب الله زيناه بزينة وألوان مزخرفة
كل أهتمامنا ان يكون له شكل ورسوم متكلفة
جميل كل ده لكن .. أهملنا فيه المعرفة
ونسينا نهجه العظيم .. اللى كان لقلوبنا الدوا والشفا
تفتكروا مين المسؤول ياللى بتقولوا مش محتاجين رسول
بكل جرأة كفرنا بعضنا .. مع ان ده مش حقنا
ده حق اللى فضله فى روحنا ودمنا
اللى خلقنا وسوانا .. وأمرنا نلم شملنا
لكن يخسارة .. قدرنا بكل مهارة .. نقضى على سماحة قلبنا
وقلبنا كل شىء معدول .. ونقول مش محتاجين رسول
حبسنا روحنا فى سجن أسمه التقاليد
عادات فينا كبرت .. ويوم عن يوم بتذيد
وخدتنا عن دينا بعيد .. وبشطارة الفكر العنيد .. رفضنا كل جديد
مع ان لو كان القدين هو المختار .. مكنش حد احتار
ولا طلع بعد الليل نهار .. ولا اتجددت الفصول
ولا كنا انتظرنا اى رسول .. قولولى أيه هو المعقول
واحنا ضايعين فى متاهات .. صعب نلقى لها حلول
لسة بتقولوا مش محتاجين رسول ؟؟؟

_________________



امال رياض
مشرف

عدد المساهمات : 402
تاريخ التسجيل : 15/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى